LEGAZPI CITY-Pig-kwestyun kan grupo nin mga obrero an pagtanggap sa kinatawan kan Israel sa ibong kan ‘genocide’ sa Gaza.
May kinaaraman ini sa nangyaring pagbisita asin pagtanggap para sa diplomasiya sa kinatawan kan Israel ni dating Vice President asin ngonian Naga City Mayor Leni Robredo.
Segun kay Bukluran ng Manggagawang Pilipino Chairman Leody De Guzman, sa intrevista kan Bombo Radyo Legazpi, na mantang dae pig-gera kan China an nacion, alagad kung ikukumparar ini sa Israel, haros inubos suboot kaini an mamamayang Palestino asin nagsagibo nin “genocide”.
Pinunto man niya na mantang nag-walk out an manlaen-laen na lideres sa kinaban durante kan UN assembly sa speech ni Israeli Prime Minister Benjamin Netanyahu kan Setyembre, na harayo suboot ini sa nagin katangian kan dating Bise.
Tahasan man niyang sinabi na “demonyo” asin “bagong hitler” sa kinaban si Netanyahu alagad maogma suboot na tinanggap an kinatawan kaini.
Dae niya man suboot makua an logic sa ibong kaini, mantang bisto suboot si Robredo bilang defender nin humanos direchos.
Sinabi pa na niya na mantang pigbo-boycott na kan nagkapirang nacion an Israel, gari na-sanitize suboot ini sa paagi kan pinairal na diplomasiya asin pagtanggap kan dating Bise Presidente
