LEGAZPI CITY-Pig-omaw ni Angel Guardian an kapwa Filipino-Palestinian beauty queen na si Gazini Ganados sa pagtindog para sa mga Palestino sa Gaza, sa ibong kan posibleng resulta kan pag-speak out sa tahaw kan nagpapadagos na iriwal sa Gaza.
Durante kan red-carpet premiere kan saiyang pinakabagong pelikula, sinabi ni Angel na hinangaan niya si Gazini huli sa pagtetenir na bukas manungod sa saiyang mga convictions.
Segun saiya na pig-oomaw niya si Gazini huli ta bako ining madali asin posibleng magin kontra an iba, alagad nagtutubod man suboot siya sa manlaen-laen na pagtubod kan kada saro.
Si Angel an bukas man sa siring na orolay asin opinyon, orog na siya saro man na Palestinian.
Kan nakaaging bulan, naiheras man ni Gazini an saiyang pagigin pro-Palestine stance.
Mientras tanto, nagpagirumdom man si Angel sa gabos, orog na sa mga estudyante na importante na pahalagahan an oras asin ikonsidera an legasiya na iwawalat sa kinaban.
May kinaaraman ini sa saiyang pagbibidahan na palabas na “Sa Tamang Oras at Panahon” kaiba an saiyang co-Encantadia Chronicles: Sang’gre star na si Kelvin Miranda.
An nasabing palabas, nagtutukaw sa mga social issues asin nagtataong kaaraman mapadapit sa mga kadifisilan sa pagde-desisyon na pigkakahampang sa urualdaw na pamumuhay.
