Inasegurar kan mga otoridad na warang huma nin tsunami sa Pilipinas kasunod kan nairehistrong 7.2 na linog sa parte kan Vanuatu ngunyan na aldaw nin Sabadom Oktubre 24, 2026.
Basado sa ipinaluwas na Tsunami Information No. 1 kan ahensya, napag-araman na nairehistro an makusog na pagyugo sa Vanuatu bandang alas-10:31 nin aga.
Ugwa ining rarom na 10 kilometro sa timog silangan kan Vanuatu.
Inihayag kan Philippine Institute of Volcanology and Seismology (PHIVOLCS) na warang pinaglalaoman na destructive tsunami waves na makaka apektar sa anuman na baybayon sa nacion.
An panibagong matinding pagyugo sa Pacific region an nangyari kasunod kan nairehistrong magnitude 7.0 na linog na tuminama man sa Nagqu asin Baqing County sa Tibet kan nakalihis na mga aldaw.
