LEGAZPI CITY-Pigsisierto kan Philippine Institute of Volcanology and Seismology (Phivolcs) na warag dapat ikahadit an publiko sa tahaw kan mga nairekord na mga sulfur dioxide emissions sa nakalihis na aldaw hale sa Bulkang Mayon.
Segun kay Phivolcs Supervising Science Research Specialist of the Mayon Volcano Observatory Dr. Paul Alanis, sa intrevista kan Bombo Radyo Legazpi na an mga nairerekord na mga sulfur dioxide o uson, huli sa abnormality kan Mayon mantang nasa alert level 2 man giraray ini.
Sa ngonian nasa “open system” suboot an bulkan asin libre na nakakapagbuga nin aso o volcanic gases.
Alagad wara man sindang nahihiling na alarma manungod digdi huli ta diit man sana an nairerekord na volcanic earthquakes, na ibig sabihon warang indikasyon na nage-escalate an Bulkang Mayon.
Padagos man an saindang monitoring sa mga masunod na aldaw sa iba pang mga parametro kan Bulkan.
Mientras tanto, pinagbabawal man liwat an paglaog sa 6km permanent danger zone kan Bulkang Mayon.
