Nagpahayag si Jocelyn Andamo, presidente kan Filipino Nurses United, sa intrevista kan Bombo Radyo Legazpi, manungod sa selebrasyon kan National Nurses Week sa huring semana kan Oktubre.
Segun ki Andamo, sa intrdai ini maaapod na selebrasyon kundi igwa nin porma nin protesta huli ta haloy nang dai inaaksyunan kan gobyerno an mga hinaing kan mga nars.
Pigtawan reaksyon man niya an pahayag ni Pangulong Marcos Jr. kan Oktubre 19 na importante an mga nars, alagad puro sana pag-omaw asin wara nin konkretong suporta.
Sinabi pa kan FNU na proud man sinda na bistado sa bilog na kinaban an husay asin pagkamakalinga kan Filipino nurses.
Alagad indikasyon man ini na padagos na nagigin number one exporter an Pilipinas nin mga nars sa kinaban.
An rason kaini iyo an hababang sweldo, grabe an understaffing, asin bakong magayon na work condition sa ospital.
Kadaklan pa sa mga nars job order o contract of service sana, kaiba an mga nasa Human Resources for Health program kan DOH.
