LEGAZPI CITY-Personal na nagpasiring ngonian na aldaw nin Biyernes, October 23, sa Office of the City Prosecutor sa Davao City si Davao City 1st District Representative Paolo “Pulong” Duterte ngani pormal na magsangat nin libel complaint laban sa nagkapirang mamamahayag asin media executives.
Basado sa complaint-affidavit kaini, kaiba sa mga pinangaranan sa reklamo sina National Bureau of Investigation (NBI) Director Melvin Matibag, Rodulfo Gracioso Jr., Felipe L. Gozon, Gilberto R. Duavit Jr., Mel Tiangco, Vicky Morales, Emil Sumangil, Darlene Cay, Marvin Parado, Joel San Luis, asin John and Jane Does.
Katakod an reklamo sa kontrobersiya mapadapit sa alegasyon ni Rodulfo Mondigo Gracioso Jr. na naghatod siya nin mga maleta na igwang laog na kwarta para sa pamilya Duterte.
Pignegaran man kan kampo kan pamilya Duterte an nasabing alegasyon.
An legal na lakdang kasunod kan naenot n kontrobersya kun saen tahasang tinuligsa asin inakusaran ni Vice President Sara Duterte an sarong TV Network sa dae suboot pag-verify kaini sa mga pahayag kan natanggal sa serbisyo na pulis na si Gracioso Jr..
Ipinagtanggol man kan Bise Presidente an saiyang sadiri laban sa mga paratang ni Gracioso katakod kan saiyang pagbisita suboot sa Northern Samar kan Mayo 2022 asin suboot nakaresibe nin kwarta, mantang nanindugan na an mga pampublikong ladawan niya kaiba si Gracioso, an bako suboot patunay kan personal na relasyon o anumang ilegal na lakdang.
