LEGAZPI CITY-Nagtutubod an House Prosecutor na si Atty. Lorna Kapunan na an bukas na pagmidbid ni Davao City Mayor Sebastian “Baste” Duterte sa mga kontrata kan Gencorp Industries Inc., posibleng ibale bilang direktang pag-admitir kan conflict of interest.
Pigtutukoy kan abogado an kantidad P33.3 million na kontrata na kapot kan Gencorp Industries Inc. sa Davao City na sa ngonian pinangenotan kan dating presidential son.
Dati nang inadmitir ini ni Mayor Baste, kun sain pigrepaso na suboot kan LGU an mga kontrata kan Gencorp asin nadeterminaran na an total na kantidad kaini nasa P33.263 milyones.
An kantidad na ini sakop an 19 kontrata.
Segun kay Atty. Kapunan, an pahayag ni Mayor Baste, posibleng ikonsiderar na pag-admitir nin conflict of interest sa lado kan Bise Presidente, na imbuelto suboot sa operasyon kan nasabing kumpanya.
An Gencorp, saro sa mga kompanya na nakalista sa Vice President’s Statement of Assets, Liabilities, and Net Worth (SALN).
Si Mayor Baste dati nang nagsabi na dai siya nakakaaram kan suboot interes ni VP Sara sa nasabing kompanya.
