LEGAZPI CITY-Nanindugan si Senadora Risa Hontiveros na dapat nakabase sa pangangaipohan kan mga Pilipino an pagbabarewas nin ayuda sa irarom kan Assistance to Individuals in Crisis Situation (AICS), asin bako sa kun sisay an saindang bistado o kun kisay sinda inirekomenda.
Sa pagtukar kan propwestong 2027 budget kan Department of Social Welfare and Development (DSWD), tinawan doon ni Hontiveros na dapat magtenir na totoong sarig kan mga nangangaipo an AICS, orog na sa panahon kan krisis.
Nangapudan man an Senadora nin mas mahigot na kontrol ngani maibitaran an dobleng pagresibe nin tabang asin masierto na napapaduman an pondo sa mga kuwalipikadong benepisyaryo.
Siring man, nanindugan siyang dae dapat magin ulang an digitalization sa pagkua nn ayuda, partikular para sa mga warang bank account o cellphone, maluyang internet connection, o kulang an mga dokumento asin rekord.
Sinabi pa kaini na an tabang kan gobierno, dae dapt nakadepende sa personal na koneksiyon, kundi sa totoong na pangangaipohan kan kada Pilipino.
