Nagpatanid an United Nations dapit sa huma kan paparaning super El Niño asin kaipuhan suboot an marikas na aksyon ngani na maghanda sa pinakamalala kaining epekto.
Pinag-aantisiparan na mamamatean an pinakamatinding epekto kan super El Niño sa Disyembre ngunyan na taon kun sain madurar ini hasta sa enot na parte kan 2027 asin sa mga masunod pang taon.
“The current El Niño event could be unprecedented in strength – literally, off the monitoring charts that we have used for the past four decades,” segun ki World Meteorological Organization (WMO) Secretary-General Celeste Saulo.
“We are already witnessing extreme weather events and expect this to multiply and cascade as El Niño intensifies,” dagdag pa ni Saulo sa sarong press conference sa Geneva.
Katakod kaini, nangapudan an ahensya na magbusol nin pangkinaban na lakdang an mga estado asin milyun-milyong populasyon na ‘pinakabulnerable’ sa El Niño.
“We cannot stop El Niño, but we can prevent many of its worst human consequences,” pahayag ni Saulo.
Mientras tanto, para ki kay UN Undersecretary-general for Humanitarian Affairs Tom Fletcher, mas magigin mapaminsala an epekto kan El Niño sa Latin America, easter asin Africa, maging sa Asya, kaibanan an Pasipiko kun sain posibleng maeksperyensyahan an epekto kaini sa mga mahewasan na relokasyon, paglangkaw kan presyo kan krudo asin patama sa mga pananom, asin matinding tapyas sa pinansyal na tabang.
“The risk is you have tens of millions of people pushed into humanitarian need,” pagdedetalye pa ni Fletcher kasabay kan patanid na 50 milyon katawo an posibleng makaeksperyensya nin matinding gutom.
Kasunod kaini, nnangapudan man si Fletcher sa mga gobierno kan lambang nacion, maging sa development banks asin international financial institutions na makipartisipar sa pagtabang sa preparasyon kontra sa El Niño antes mangyari an matinding danyos.
Marurumduman na naeksperyensyahan an hagupit kan El Niño kan 2023 kun sain binansagan ining second-hottest year, mantang kapot man kan 2024 an all-time high record kaini.
