LEGAZPI CITY-Pinahewas pa kan Bureau of Internal Revenue (BIR) an saindang fuel marking operations sa 10 Revenue Regions kun saen nasa 189 na fuel stations an nabusisi kan Oktubre 13, 2026, bilang parte kan saindang kampanya laban sa illicit fuel trade asin pagpupursige na protehiran an revenue base kan nacion.
Sa mga nabusising pasilidad, 111 an nakapasar sa field tests mantang 78 an field failures, na katumbas nin 41.3% kan kabilugang mga stations.
Huli digdi, pormal na naglaag nin seal sa mga affected pumps poon sa 78 na establisimiento, kaiba an dai-mababa sa 900,250.69 liters kan fuel inventory na konektado sa mga nagbasak sa field tests, mantang an independent third-party testing asin verification naman, an pinanamayuhan kan SGS Philippines.
Paliwanag kan ahensya, sakop kan operasyon an minasunod:
Revenue Region No. 5 – CAMANAVA at Bulacan
Revenue Region No. 6 – City of Manila at Palawan
Revenue Region No. 7A – Quezon City
Revenue Region No. 7B – East NCR
Revenue Region No. 8A – Makati City
Revenue Region No. 8B – South NCR
Revenue Region No. 11 – Western Visayas
Revenue Region No. 12 – Negros Island
Revenue Region No. 13 – Central Visayas
Revenue Region No. 14 – Eastern Visayas.
pighayag ni BIR Commissioner Charlito Martin R. Mendoza na padagos an saindang mandato para sa mga fuel sources na bagsak sa station-level tests asin magsasagibo nin dugang na beripikasyon kaibanan na an testing sa mga fuel depot.
Nilinaw man kan ahansya na an pagkakadakop sa mga istasyong ini, dae tulos nangangahulugang bako compliant an saindang mga supplier.
Parte man suboot ini kan ng BIR DARES reform agenda sa irarom kan Revenue Collection and Base Protection ngani masugpo an illicit trade na nagpapaluya sa koleksyon kan buwis asin nakakaapektar sa compliant businesses.
