Ipiglansar na kan Bureau of Internal Revenue (BIR) sa bilog na nacion an Enhanced Accounts Receivable Management System (eARMS), na sarong bagong digital platform na obheto na pakarahayon an pagsubaybay asin pamamayo sa mga delinquent tax account.
Nagpuon an nationwide rollout kaini kan Setyembre 21 kasunod kan ipinaluwas na BIR Memorandum kan Setyembre 14, 2026.
Rinibayan nin bagong web-based system na ini an dating Accounts Receivable Management System (ARMS) sa irarom kan DARES reform agenda kan ahensya, partikular sa mga prayoridad kaini na Digital and Data Transformation asin Revenue Collection and Base Protection.
Segun ki BIR Commissioner Charlito Martin R. Mendoza, importante an tumpak asin malalaoman na mga talaan sa epektibong koleksyon kan buwis asin sa paagi kan Enhanced Accounts Receivable Management System mas marikas na masusubaybayan an mga dae pa nababayadan na paninimbagan sa buwis asin matabangan an mga tax payers na mapakarahay an saindang obligasyon na igwang mas diit na abala sa administratibo.
Nagtatao an probrama nin sentralisadong pagsubaybay asin pamamahala sa mga Accounts Receivable at Delinquent Accounts (AR/DA), kaibanan an mga datos dapit sa pagsita, pagpapabakal, asin pag-forfeit kan mga pagrugaring ngani na mapalangkaw an integridad kan datos asin seguridad kan sistema sa gabos na opisina kan BIR.
