LEGAZPI CITY-Nagsayuma an International Criminal Court (ICC) Trial Chamber III sa kahagadan kan kampo ni dating Presidente Rodrigo Duterte na limitaran an ebidensya sa 10,000 items sana na pwedisir ipresentar kan prosekusyon sa saiyang kaso —na may kinaaraman sa mga kasong crimes against humanit sa
An desisyon na ini ipinaluwas sa ikaapat na state conference para sa kaso, na intendiran kan dating presidente sa The Hague, Netherlands.
Dugang pa kaini, isinikwal kan korte an kahagadan kan depensa para sa prosekusyon na isumitir giraray an ebidensya sa sarong bagong file case sa laog kan Judicial Workflow Platform (JWP)—an opisyal na digital system na piggagamit kan ICC para sa pamamahala nin mga rekord.
Segun sa kaso na isinangat kan mga piskal kan ICC, si Duterte nahahampang sa 3 counts kan kasong crimes against humanity katakod kan suboot mga paggadan asin pagprobar na paggadan sa nacion sa pagultanan kan Nobyembre 2011 sagkod Marso 2019, na ginibo sa irarom kan saiyang kampanya kontra droga.
Mientrastanto, sinabi ni Atty. Gilbert Andres—sarong abogado na accredited kan ICC, sinabi kaini na an desisyon na ini magkakaigwa nin importanteng implikasyon para sa mga legal na lakdang sa maabot na panahon asin sa kabilogan na dalagan kan maabot na paglilitis laban sa dating Presidente.
