Pinahimutikan kan mga awtoridad sa Russia na nagpaotob sinda nin mga lakdang kontra sa plague makalihis an pagkagadan kan sarong laboratory worker sa Siberia.
Susog sa Russian health watchdog, bako kumpirmadong plague ang kawsa kan pagkagadan kan28-anyos na laboratory worker sa Irkutsk region. Nagluwas suboot sa postmortem examination na pneumonia an kawsa kan pagkagadan, alagad dae pa matukoy an eksaktong rason.
Naenot nang inireport na posibleng nahawa ang babae nin pneumonic plague makalihis na mapasa an sarong test tube sa laboratoryo, mantang may report man na nag-abot sa 200 katawo an isinairarom sa quarantine huli sa nakasalamuha ini.
Mientrastanto, sinabi kan World Health Organization na warang kumpirmadong kaso nin plague sa Irkutsk asin negatibo sa mapeligroso na pathogens ang mga contact kan nagadan.
