LEGAZPI CITY-Nagpahayag nin pagkadismaya an sarong student publication, mapadapit sa pag-welcome ni dating Vice President asin ngonian Naga City Mayor Leni Robredo sa Israeli Ambassador na si Her Excellency Dana Kursh sa ciudad.
Segun kay CaSSiPi publication Managing Editor Gid Ohmer Galvez, sa eksklusibong intrevista kan Bombo Radyo Legazpi na dismayado sinda sa nagin aksyon ni Mayor Leni mantang bisto ini sa pagigin bukas kan panahong Duterte manungod sa orolay sa extra-judicial killings.
Marurumduman na nagin sentro si Robredo nin batikos kamakailan huli sa pagtanggap niya kay Kursh sa ciduad kan Naga.
Pigkwestyun man ni Galvez an paninindugan ni Robredo mantang aram suboot kaini na bako makatawo an pigsasagibo kan nasabing nacion, na pinaninindugan niya, kan siya kandidato pa sana.
Bilang sentro kan pulitika, kun sain nagin Bise Presidente kan taong 2016 asin nag-kandidato kan 2022 election, dai suboot ninda pinaglalaoman an aksyon kan alkalde asin didgi suboot sinda nadismaya.
Dugang pa kaini na mismong nag-walk out an Pilipinas durante kan privilege speech ni Israeli Prime Minister Benjamin Netanyahu, mahihiling suboot na posibleng magkaigwa nin sarong paninidugan an nacion manungod sa pagsasagibo nin desisyon asin aksyon.
