Ipinagirumdom ni House impeachment adviser asin prosecution Spokesperson Rep. Robert Ace Barbers sa defense team na si Vice President Sara Duterte an respondent sa impeachment trial asin bako si Anti-Money Laundering Council executive director Ronel Buenaventura.
Ginibo ni Barbers an pahayag makalihis kuwestiyunon kan Defense si Buenaventura dapit sa confidentiality provisions kan Anti-Money Laundering act, kaibanan an mga padusa sa unauthorized disclosure kan AMLC records.
Segun ki Barbers na pwedesir na maikonsiderar na “Veiled threat” sa AMLC executive director asin sa media an nasabing linya nin paghahapot, urog nang binanggit an posibleng paninimbagan sa pagluwas kan confidential information.
Dagdag pa kaini na enot nang sinayumahan kan impeachment court an motion kan defense na i-exclude ang testimony ni Buenaventura basado sa confidentiality.
Kun igwang nahiling na pagbayolar an defense, pwedesir suboot ining darahon sa tamang forum asin magsunad nin magkakanigong reklamo.
Pigduon ni Barbers na dapat na magtenir na nakatuon an impeachment trial sa ebidensiya kontra ki Duterte, partikular sa mga dokumento asin datos na ipighahampang kan mag-inibong na lado.
