LEGAZPI CITY- Nakapagrehistro na nin kaso nin African Swine Fever sa sarong barangay sa banwaan kan Camalig, Albay.
Katakod kaini, nagsayuma na muna si Camalig Mayor Caloy Baldo na ihayag an nasabing barangay ngani na dae magkaigwa nin anuman na pagkabigla.
Sa intrevista kan Bombo Radyo Legazpi, sinabi kan alkalde na malibot an mga personahe ngani na mag-test sa mga urig na nasa 500 meters ngani na mahiling kun magpositibo man an mga ini.
Sa presente, ipinagbabawal na muna an pagpapaluwas nin buhay o karneng urig hali sa banwaan ngani na maibitaran na maglakop pa an helang.
Mientras tanto, kumpiyansa man si Mayor Baldo na dae man makaka apektar sa presyuhan kan karneng urig an nasabing kaso huli ta bako man para sa komersyal an nasabing urig na tinamaan kan ASF.
Sa presente makikipag koordinar suboot sa gobierno provincial ngani na maaraman kun igwang asistensya na maipapaabot sa hog raiser na naapektaran kan ASF.
