LEGAZPI CITY-Arestado an sarong lalaki huli sa ilegal na sugal sa banwaan kan Malinao.
Ini makalihis an ikinasang operasyon kan Malinao Municipal Police Station laban sa mas pinahigot na operasyon laban sa ilegal na sugal.
Naaresto ini sa Purok 9, sa Barangay Estancia, Malinao, Albay, mantang aktwal na nangongolekta kan kwartang pusta gikan sa sarong operatibang pulis na nagserbing poseur-bettor.
Narekober asin nakumpiskar gikan sa suspek an limang (5) pidaso kan papelitos na may nakasurat na kombinasyon kan numero asin kantidad kan pusta, tulong pidaso kan paperboard paripa na igwang numero asin kwartang pusta sa manlain-lain na denominasyon.
An suspek, kaiba an mga nakumpiskang ebidensiya, presenteng nasa kustodiya kan Malinao Municipal Police Station para sa pagsangat nin kaukulang kaso susog sa ley.
