Pinahimutikan kan Bureau of Corrections (BuCor) na pwedesir na makatakas an sarong inmate gamit an sarong drone.
Kasunod ini kan nagluwas na report hali sa international media na sarong nakakulong na drug lord kan South Korea na si Park Wang-yeol an nakatakas gamit an heavy-duty na unmanned aerial vehicles.
Segun ki BuCor Director General Gregorio Pio Catapang Jr. na gabos na mga correctional facilities na sakop ninda an ipigpapa otob an no-fly zones.
Igwang nakalaag na CCTV asin watch towers kun sain gabos na mga ini an inalerto an mga gwardiya enkasong igwang magbalo na magdulag.
Pigduon kaini na imposible an paggamit kan drones sa pagtakas kan sarong inmate.
Nagpaluwas man nin pahayag an Department of Justice na an nasabing Korean national an naipasakamot na sa mga otoridad kan South Korea kan Marso.
