LEGAZPI CITY-Salbado an nasa sampulong pasahero na lunad kan sarong motorized banca sa Pilar, Sorsogon, makalihis magkalayo an engine kaini sa tahaw kan biyahe.
Segun ki Pilar MPS Chief of Police Police Major Voltaire Jun Pedido, sa intrevista kan Bombo Radyo Legazpi na nangyari ini bandang alas 3 nin hapon sa coastal area kan Barangay San Rafael, Pilar, Sorsogon kan Setyembre 16, 2026, mantang biyahe pasiring sa Poblacion an nasabing pamapasaherong motorbanca.
Lunad kaini an nasa sampulong katawo, alagad mantang nasa biyahe, nag-refill nin gasolina asin nag-spill ini na nagin kawsa kan pagkalayo kan makina kaini.
Nairido man an mismong kadsadiri kaini asin nagsapar nin lapnos o first degree burn sa saiyang kamot asin bitis.
Afuera digdi, salbado man an mga lunad kan nasabing motorbanca, huli ta naagapan man ini kan iba pang pampasaherong bangka sa lugar.
Enot na bes man ining nangyari sa nasabing lugar, asin sa presente dai na magamit an nasabing motorbanca.
