LEGAZPI CITY-Nanindugan si Senador Pia Cayetano na dai siya nagtatago matapos na makumpirmar na yaon siya sa Singapore, nganing suportaran suboot an Philippine Padel National Team.
Segun ki Cayetano, tinuyong magpa-Singapore kan Senadora ngani magdalan asin suportaran an tune-up games kan team antes an Asian Games.
Pinahimutikan man kaini na igwa siyang rason na magtago asin hinagad sa publiko na dai magtubod sa mga istoryang naglilibot manungod sa saiyang paghale sa nasyon.
Kinumpirmar kan Bureau of Immigration na naghale na sa Pilipinas si Senator Pia asin an saiyang tugang na si Senador Alan Peter Cayetano.
Mientrastanto, pig-iimbestigaran na kan National Bureau of Investigation an mga suboot anomalya sa pag-host kan 2019 Southeast Asian Games kun saen si Alan Cayetano an pamayo kan organizing committee.
Nagsasagibo naman nin fact-finding investigation an Ombudsman manungod sa reclamation project sa parte kan Laguna Lake sa Taguig City.
