LEGAZPI CITY- Ipinaliwanag kan sarong constitutional law expert an magigin papel kan Amici curiae o ‘friends of the court’ sa isyu kan 16-vote threshold sa impeachment ni Vice President Sara Duterte.
Segun ki Atty. Michael Henry Yusingco sa intrevista kan Bombo Radyo Legazpi na an magigin papel kan amici curiae iyo an pagtataong giya sana sa sarong partikular na isyu o an dapit sa ‘all senators’ na pigtutukoy ngani na makaboto sa impeachment.
Ihahayag sana suboot kun papano i-interpret kan senado an lakdang na nakalaag sa konstitusyon.
Marurumduman na nasa konstitusyon kaya na 2/3 o 16 kan 24 na mga elihidong senador an kinakaipuhan ngani na ma-convict an bise presidente asin solamenteng constitutional ammendment sana an ipagbago kaini.
Paliwanag ni Yusingco na an amici curiae an dae makikiaram sa kabilugan na orolay kan paglilitis.
Dagdag pa kaini na duwang scenario an pighihiling kun sain enot an pagsumiter nin position paper, na iyo an isusumiter sa korte asin tatawan nin kopya an mga senator judges asin ika-duwa an pagtatao nin tsansa na makapagtaram asin paliwanag dapit sa pigtutukar na isyu.
