LEGAZPI CITY- Tahasang inapod kan sarong labor group na ‘duwag’ si Department of Labor and Employment Sec. Francis Tolentino huli sa dae pagpapaotob kan wage increase sa National Capital Region.
Segun ki Partido Manggagawa Deputy General Wilson Fortaleza sa intrevista kan Bombo Radyo Legazpi na imbes na i-implementar an wage order no. 27 o an dugang na P85 na dagdag sahod, nagpaluwas nin bagong wage order 28.
Marurumduman na inaprubaran kan wage board an bagong P60 daily minimum wage increase mantang an enot na P85 wage order an nagtetenir na nakabinbin huli sa desisyon kan korte sa Pasig.
Sinabi ni Fortaleza na warang ibang pinaka poderoso sa gabos kundi an DOLE partikular an National Wages and Productivity Commission huli ta basado sa ley, ini an igwang eksklusibong hurisdiksyon pag-abot sa orolay sa sweldo asin bako an anuman na korte.
Ini afuera na sana kun may pag-kwestyon sa legalidad o pigku-kwestyon kan konstitusyon.
Dagdag pa kan opisyal na kun iisipon, kayang-kaya na magpaluwas nin direktiba kan labor secretary na i-implementar an dagdag sahod, alagad dae ini pigigibo kan opisyal.
