Kinumpirma ni Department of Justice Spokesperson Atty. Polo Martinez na ibinasura kan Quezon City Prosecutors Office an reklamong kriminal na ipigsunad kan agom ni Vice President Sara Duterte na si Atty. Mans Carpio kontra sa nagkapirang opisyal kan gobierno.
Marurumduman na nagsunad nin reklamo si Manases kontra kinda House Justice Committee Chairperson Rep. Gerville Luistro, House Senior Deputy Minority Leader Leila de Lima, mga opisyal kan Bangko Sentral ng Pilipinas, Anti-Money Laundering Council asin iba pa.
Segun ki DOJ Spokesperson Martinez, an pagkakabasura kan kaso an huli sa kawaran nin hurisdiksyon sa kaso o ‘jurisdicitional grounds’ huli ta mabagsak suboot ini sa Office of the Ombudsman.
“The complaint filed by Atty. Mans Carpio against respondent public officers was dismissed without prejudice on jurisdictional grounds, as jurisdiction over the matter properly belongs to the Office of the Ombudsman,’’ segun ki DOJ Spokesperson Atty. Polo Martinez.
