Pupuunan na sa Lunes an pagtukar kan Article II o an unexplained wealth ngunyan na tapos na an prosecution sa presentasyon kan mga ebidensya sa malinig na paggamit sa confidential funds.
Segun ki Prosecution legal spokesperson Atty Benjamin Tolosa, susurion an mga bank account ni Vice President Sara Duterte, records kan Bureau of Internal Revenue (BIR) asin Anti-Money Laundering Council (AMLC).
Sinabi ni Tolosa, mawot man kan prosekusyon na maparikas an paglilitis sa paagi kan paghiling sa depensa na akuon an authenticity kan mga dokumento sa bangko.
Napagdesisyunan na kan prosekusyon na dae na ihampang an saindang mga testigo sa confidential funds huli ta bastante an an mga ebidensya na saindang nakuwa basado sa mga pahayag kan enot na mga testigo.
Segun ki Tolosa, napatunayan sa testimonya kan mga bank manager, Special Disbursing Officers, COA auditors asin PSA officials na an mga isyung pigkakahampang kan OVP asin DepEd, kaibanan an cash withdrawals, suboot pagbayolar sa accounting rules, kakulangan nin resibo, asin mga pangaran sa acknowledgment receipts na warang katugmang PSA records.
Huli digdi, sinabi ni Tolosa na dae na kaipuhan na ihampang an dugang na mga testigo huli ta magiging pauru-utrp sana an mga ini.
Dagdag pa kaini na nakuwa na an mga evidenciary target ngani na patunayan an alegasyon kan salang paggamit kan confidential funds kontra ki Vice President Sara Duterte.
