LEGAZPI CITY-Piglinaw kan sarong Weather Specialist na an Hanging Habagat o Southwest Monsoon, an naghahatak kan air particles gikan sa Indonesia na nagreresulta kan pag-abot kan ‘haze’ sa nacion.
Segun ki Weather Specialist Christian Alen Torrevillas, sa intrevista kan Bombo Radyo Legazpi na sa presente kaya Southwest Monsoon o Habagat an nakakaapektar sa haros bilog na parte kan Lzun asin nagkapirang lugar sa Visayas, na nagdadara nin mga particulate matters kan forest fires sa Indonesia.
Afuera digdi, igwang man na mga weather disturbances siring kan bagyong Pilandok na nakakaapektar sa nagkapirang parte kan nacion.
Sinabi kan opisyal na sa mga masunod na aldaw, posibleng maeksperyensyahan liwat an mga haze sa nacion huli sa mga weather disturbances asin epekto kan Habagat.
Dagdag pa kaini, na kun igwang pag-uuran posibleng makatabang ini sa pag-clear kan mga himpapawid sa nacion.
Mientras tanto, tuyong bulan nin Setyembre nagkakaigwa suboot nin duwang mga nabibilog na bagyo o kaya naman naglalaog sa Philippine Area of Responsibility patikular na sa Northern Luzon.
