LEGAZPI CITY-Pinirmahan na ni President Ferdinand “Bongbong” Marcos Jr. an absolute pardon para kay Mary Jane Veloso.
Si Veloso, sarong biktima nin human trafficking, nakulong nin labi sa 14 taon sa Indonesia kun saen enot siyang nasentensyahan nin kagadanan bago nasalbar sa paagi kan apelasyon ni dating Presidente Benigno Aquino III sa dating Presidente kan Indonesia na si Joko Widodo.
Pagkatapos kan halawig na negosasyon sa pag-ultanan kan duwang nacion, siya mapangganang naibalik sa Pilipinas kan Disyembre 2024 asin temporaryong ibinugtak sa Correctional Institution for Women sa Mandaluyong.
Sa itinaong absolute pardon, an saiyang sentensya ganap nang nabura, na nagtatao saiya nin katalingkasan asin oportunidad na makaibanan giraray an saiyang pamilya.
