Nagpaotob an Department of Education (DepEd) nin mas istriktong padusa kontra sa mga estudyante na imbwelto sa seryosong bullying, pisikal na pangungulog asin iba pang aktibidad na naglalaag sa peligro sa seguridad sa eskwelahan.
Nakapalaog ini sa DepEd Order No. 006, s. 2026, o Guidelines on Ensuring a Safe and Motivating Learning Environment (ESMLE), na nagtatalaan kan magkakaibang padusa depende sa gabat asin pauru-utro na pagbayolar.
Para sa serious offenses siring kan pauru-utro na bullying asin online harassment, pwedesir na matawan nin hasta limang aldaw na suspensyon asin i-refer sa Department of Social Welfare and Development (DSWD) sa enot na pagbayolar.
Pwedesir man na mauli sa non-readmission sa ika-duwa asin ikatulong pagbayolar.
Para sa high-risk acts siring kan matinding pisikal na pangvungulog, bomb threat asin peligrosong hoaxes, pwedesir na ipaotob an non-readmission sa enot na pagbayolar, permanenteng exclusion sa ika-duwa asin referral sa mga awtoridad.
Segun ki Education Secretary Sonny Angara, dae iko-kompromiso kan DepEd an seguridad kan mga estudyante sa ibong kan pagkakataon na itatao sa mga nagbayolar na makapagbago.
Mientras tanto, pwedesir man na i-implementar kan school head an hasta sa 30 aldaw na preventive suspension mantang pig iimbestigaran an kaso kun ipigkokunsiderar na padagos an huma sa seguridad kan campus asin mga estudyante.
