LEGAZPI CITY-Viral ngonian sa social media an Idol-like visual kan korean actress na si Kim Ji-won.
Ini makalihis an saiyang impresibong mga performances bilang Chic Idol visuals.
Ikinaogma man kan saiyang mga fans an nagin performances ni Ji-won asin sinabing bagay na bagay an aktres sa Inkigayo stage.
Bisto si Ji-won sa saiyang distinctive look sa mga K-drama series arog kan saiyang kulot na bangs sa karakter niyang si Choi Aera sa “Fight For My Way” asin an eleganteng look naman bilang si Hong Hae-in sa korean daramang “Queen of Tears”, siring man an saiyang bob hair cut bilang si Dr. Gye Su-jeong sa presenteng pinagbibidahan niyang medical drama series na “Doctor X: Mafia in White “.
Si Ji-won, sarong low-key celebrity na bibihirang mag-post sa saiyang social media, alagad kun mag-appear man siya ngani i-promote an saiyang mga drama, pirmihang naso-sorpresa an saiyang mga fans sa saiyang face card.
Nangyari an viral moment kan aktres, kan i-perform niya an “Genie” kan SNSD durante kan saiyang WONDERLAND fan meeting.
Nasorpresa man an gabos sa saiyang K-pop Idol look na hawig sa 2000s K-pop-glam.
