Nakapagrehistro an Armed Forces of the Philippines (AFP) nin dakol na numero nin mga barko kan China sa West Philippine Sea.
Segun sa AFP na basado sa monitoring kan Philippine Coast Guard (PCG) na igwang 56 na mga China Coast Guard asin People’s Liberation Army Navy (PLA-N) vessels kan nakalihis na Agosto.
Ini an pinakadakol na numero na nairehistro sa Bajo de Masinloc na igwang 23 na mga Chinese vessels kaibanan an 14 na mga CCG asin siyam na PLA-N ships.
Sinundan ini kan 18 barko sa Ayungin Shoal mantang sa Escoda Shoal an igwa man na na-monitor na siyam na behikulong pandagat kan China.
Sinabi man ni AFP spokesperson for the West Philippine Sea na si Retired Rear Admiral Roy Vincent Trinidad, na nakatuon an saindang bulanan na pagmomonitor ngani na maipaabot sa publiko na padagos an iligal na presenya kan mga barko kan China.
