LEGAZPI CITY-Lusot na sa House of Appropriations panel an propwestong P10,155,758 bilyon na budget kan Office of the President para sa fiscal year 2027 sa laog sana nin 15 minutos, matapos na tawan nin parliamentary courtesy sa ibong kan pagtumang kan nagkapirang minoridad na mambabatas.
Nag-atubang si Executive Secretary Ralph Recto sa appropriations panel tnganing idepensa an labi sa P10 bilyon na budget kan Office of the President.
Dakula an budget kan Office of the President para sa 2026 huli sa pag-host kan Pilipinas kan ASEAN (Association of Southeast Asian Nations).
Nagtutubod si Recto na supisyente an nasabing pondo nganing masimbagan an mga pangangaipo sa panahon na sabay na inaatubang kan nacion an mga angat sa laog asin luwas kan nacion, kabali na an geopolitical tensions asin kariribokan sa Middle East, mga bagyo, El Niño, asin iba pang mga kalamidad.
Pagkatapos kan presentasyon ni Recto, pigsangat ni Minority Leader Marcelino Libanan an saiyang mosyon na tawan nin parliamentary courtesy an Office of the President, na iyo an nagtapos kan mga interpelasyon, na pigsegundahan naman ni Senior deputy Rep. Ferdinand Hernandez.
