LEGAZPI CITY- Inihayag kan Regional Winner sa 2026 Ten Outstanding Students of the Philippines (TOSP) kan Rehion V na si Wilfredo Bonaobra an nagkapira sa mga naadalan niyang leksyon mantang nagtatabang sa komunidad.
Sa intrevista kan Bombo Radyo Legazpi, pigpensar niya kan enot na ngani na magin matrayumpo sa sarong programa o kamawotan, dapat na matibay mag-enganyar.
Alagad durante kan pagbaba mismo sa mga komunidad, nareyalisar niya na pinaka importante an pagdangog sa mga nasa laylayan ngani na sinda an matabangan.
Aminado ini na dakol pang mga pagbabago an kinakaipuhan na gibuhon sa presente ngani na mas magin magayon an futuro kan manlain lain na mga sektor.
Huli digdi, nangapudan si Bonaobra sa mga kapwa lider na padagos na magtindog asin padagos na makipaglaban para sa pagbabago kan buhay kan mga nasa laylayan.
