LEGAZPI CITY-Suportado kan sarong grupo nin transportasyon na dapat panimbagon an transport cooperative makalihis an suboot sarong insidente nin ‘cutting trip’ sa parte kan Bulusan–Matnog route.
Segun kay SORINTRAFED President Ramon Dealca, sa intrevista kan Bombo Radyo Legazpi na dapat sanang magpaluwas nin show cause order an LTFRB kontra sa transport cooperative huli ta unfair ini sa ibang kooperatibe na tulos na pig-isyuhan kaini.
Pigdoon man ni Dealca na magabat an violation kan kooperatiba, huli ta ibinaba sa alanganin na lugar an mga mag-iina mantang karga an tulong aki, na nagkalat sa social media posts.
‘Trip-cutting’ suboot ini asin posibleng kanselahon an prangkisa kun pagbabasehan ini huli ta sarong public utility vehicle an piglunadan.
Nagin rason man suboot digdi, basado sa ibang impormasyon na wara nang krudo, asin warang ng ibang pasahero kaya ibinaba ini sa alanganing lugar.
Nagpagirumdom man an opisyal na maski pa wara ng ibang pasahero, an dapat na ideretso an saindang lunad huli ta obligasyon ninda ini.
Mientras tanto, sinabi man niya na dapat makumpirma kun nuarin nagpaluwas nin show cause order an LTFRB huli ta magabat an nasabing kaso.
