Pinaglalaoman na malangkaw an pamasahe sa mga pampasaherong eroplano sa Setyembre.
Segun sa Civil Aeronautics Board (CAB) na malangkaw sinda nin fuel surcharges huli sa padagos na paglangkaw kan presyo kan jet fuel sa nacion.
An fuel surcharges an optional fee na pigsisingil kan mga airlines ngani na sinda an makabawi sa padagos na paglangkaw kan presyo kan langis sa nacion.
Suway ini sa base fare na saindang pigsisingil.
Puon Setyembre 1-15, itataas sa Level 13 an fuel surcharges hali sa dating Level 12 kan Agosto 16-31.
Sa irarom kan fuel surcharges an igwang babayadan an domestic flights na puon P423 hanggang P1,237 depende sa distansya.
Mantang sa international flights, igwang singil na puon P1,396 hanggang P10,385.
Binago man kan CAB an pag implementar kan saindang fuel surcharge kun sain hali sa dating bulanan an ginibo ining kada 15 aldaw.
