LEGAZPI CITY- Pighihiling kan sarong grupo na posibleng estratehiya an nagin pahayag ni Senator-Judge Robinhood Padilla dapit sa paggamit kan pseudonym kan mga heroe, katakod kan orolay dapit sa confidential funds sa impeachment trial ni Vice President Sara Duterte.
Marurumduman na ikinumparar ni Padilla an paggamit kan alyas kan mga bayani sa suboot alyas kan nagkapirang persona sa resibo kan Office of the Vice President sa confidential funds.
Segun ki August Twenty one Movement Volt Bohol sa intrevista kan Bombo Radyo Legazpi na imposible man na dae nasasabutan kan senador an pagkakaiba sa nasabing orolay kaya duda ini na istratehiya sana an lakdang.
Mientras tanto, nanindugan man an grupo na bako tama na gumamit nin mga alyas o kakaibang pangaran urog pa kun pondo kan banwaan an pinag-oolayan.
Aminado man si Bohol na dae na siya mabibigla kun igwang ‘future political plan’ si Sen. Padilla asin dae pighahali an posibilidad na pigigibo an nagkapirang mga pahayag ngani na pag-olayan an saiyang pangaran.
