LEGAZPI CITY-Nakaabot na si Alex Eala sa bagong halangkaw na ranggo sa Women’s Tennis Association (WTA) bago an saiyang kampanya sa US Open sa New York.
Si Eala nagsakat nin duwang pwesto pasiring sa World No. 18 sa pinakahuring WTA rankings na pinaluwas kan Lunes kasunod kan pagtatapos kan Cincinnati Open sa Mason, Ohio.
An Filipino Tennis star naggigibo kan saiyang ikaduwang pag-appear sa main draw kan US Open, na iyo an huring Grand Slam tournament kan season.
Si Eala naghale na sa ikatolong round sa Cincinnati, kun saen siya nadaog sa American World No. 10 na si Amanda Anisimova, 6-4, 4-6, 2-6, kan nakaaging Martes.
Mientras tanto, si Coco Gauff nalampasan si Jessica Pegula, 6-2, 6-4, nganing manggana kan saiyang ikaduwang korona sa Cincinnati.
Bago an Cincinnati, nakaabot si Eala sa round of 16 sa Canadian Open pagkatapos na makua an saiyang enot na titulo sa WTA 500 sa DC Open.
Sa ibong kan maluyang mga kawat ni Aryna Sabalenka, siya man liwat an nagtetenir na top WTA player, kaiba an World No. 2 na si Elena Rybakina.
An 21-anyos na si Eala parte man kan US Open mixed doubles field kaiba an Canadian World No. 4 na si Felix Auger-Aliassime.
