LEGAZPI CITY-Excited na an Grammy-winning singer na si John Legend excited na magperform giraray sa Pilipinas.
Sinabi niyang an Pilipinas an saiyang istaran kan nagkapira sa mga pinaka-avid music fans sa bilog na kinaban
Sinabi man kaini na espesyal sa saiya an pagkamoot asin suporta na saiyang nareresibe gikan sa mga Pilipino sa kada pagbisita niya sa nacion.
Ini an ika-apat na pagbisita ni John Legend sa Pilipinas. Segun sa singer, haloy na niyang pighahalat na makabalik digdi.
Saro sa mga pinapadangat niyang kanta kan mga Filipino fans iyo an “All of Me,”na naging paborito man sa karaoke asin mga espesyal na okasyon.
Sinabi ni Legend na maogma siyang maaraman na an saiyang mga kanta naging parte na kan buhay kan mga Pilipino.
Sa saiyang konsyerto sa Manila na may titulong “An Evening of Songs and Stories,” plano niyang ihiras bako sana an musika kundi pati an mga istorya manungod sa saiyang buhay, mga inspirasyon asin mga kanta na saiyang sinurat.
Nag-lalaom man siya sa sarong dakulang sing-along kaiba an saiyang mga Pilipino fans, orog na ta midbid an Pilipinas sa kultura nin karaoke asin sikat na mga singers sa kinaban.
