LEGAZPI CITY-Padagos na pinagbabantayan kan Philippine Institute of Volcanology and Seismology (Phivolcs) an aktibidad kan Bulkang
Mayon makalihis an bahagyang paglangkaw kan Sulfur Dioxide Flux mantang ibinaba na sa alert level 2 an status kaini.
Susog sa huring datos kan ahensya poon alas 12 nin maagahon, ngonian na aldaw nin Huwebes, nagbaba an aktibidad kaini alagad padagos an pagdaloy kan lava sa tulong gullies.
Nakapag-rehistro man nin 14 volcanic earthquakes asin 5, 365 tonelada nin Sulfur Dioxide poon kasuudma, Agosto 19.
Nagkakaigwa man ini nin steaming asin ground deformation kun sain namamaga an bulkan na may panandaliang pag-nipis sa parte kan northeast.
Mahigot man an patanid sa mga residentes harani digdi na ibitaran an paglaog sa 6km permanent danger zone.
