LEGAZPI CITY-Pinahalipot an taunan na pinagsararong pag-ensayong militar sa pag-ultanan kan South Korea asin kan Estados Unidos.
Segun sa South Korean defence ministry, anom na aldaw sana nindang kakaputan ini base sa kahagadan kan Estados Unidos.
An 2026 Ulchi Freedom Shield exercise, gigibohon poon Agosto 21 sagkod 27 siring kan pighahagad kan White House.
Sinabi kan Foreign Minister kan South Korea na si Cho Hyun, na nagkaoroyon na sinda manungod sa plano.
Dai niya sinabi kun an posibleng rason, iyo an pagkontra kan South Korea sa desisyon kan Estados Unidos na makipaglaban sa Iran.
Magigirumduman na pig-anunsyo man ni U.S. President Donald Trump na nakatalaan siyang makipag-olay sa mga masunod na bulan sa lider kan North Korea na si Kim Jong Un.
