LEGAZPI CITY-Nagsakat an numero kan mga binawian nin buhay sa nacion huli sa magkakasunod na epekto kan bagyong Luis, bagyong Maymay, asin kan habagat.
Segun kay cInformation Officer Diego Mariano, uminabot na sa 21 an nairehistrong nagadan gikan sa lalawigan kan Benguet, Rizal, asin Batangas.
Afuera sa mga nagadan, apat pa an presenteng pinaghahanap.
Tulo man sa gikan sa Benguet asin saro sa Batangas, mantang 15 an nairehistrong irido sa mga rehiyon kan Ilocos, Benguet, Rizal, asin Cavite.
Dakul man an winalat na danyos kan raot na panahon sa kabuhayan asin ari-arian kan mga namamanwaan.
Sinabi kan ahensya na nasa P1.46 bilyon an kabilugang danyos sa mga imprastraktura, mantang nagrapado man sa P197 Milyon an nairehistrong danyos sa sektor kan agrikultura.
Alagad bako pa ini an pinal na datos asin posibleng magsakat pa sa mga masunod na aldaw.
