LEGAZPI CITY-Sinabi kan sarong Political analyst na mas nagusbong an pagigin kwestyunable kan paggamit kan suboot kontrobersiyal na alyas sa mga confidential fund disbursements sa Office of the Vice President (OVP).
Segun kay Political Analyst Prof. Dennis Coronacion, sa intrevista kan Bombo Radyo Legazpi, na poon kan pagluwas kan milyun-milyong pondo sa OVP asin DepEd, nagin kwestyunable na an paggastos kan disbursements sa mga ofisina.
Bako man suboot ini dokumentado sa kun papano ini ginastos huli sa pinahiling kan COA na mga iregularidad.
Kadakol man suboot an ipinahiling na resibe kun sain imbes na mga Official Receipt (OR), puro acknowledgement receipts sana mantang dakula an pondo.
Bako man suboot bastante na acknowledgement receipts an ipinahiling huli ta bako tamang mga acknowledgement receipts an ginamit para sa P50,000 hasta P70,000 na kantidad nin kwarta.
Dapat suboot na igwang dokumentasyon an mga identidad kaini sa tahaw kan pagigin sensitibo kan mga impormasyon.
Huli digdi, dai man suboot nasunod an nabanggit na regulasyon kan ofisina kan Bise Presidente asin kan siya kalihim pa kan DepEd.
Pig-eenganyar man kan Propesor an publiko na tutukan an paglilitis huli ta may kinaaraman ini sa pondo kan bayan asin posibleng mahiling kun papano pigwawaldas o piggagamit kan mga politiko an mga pondo kan gobierno.
