Nadidifisilan an mga bumbero na pugulan an kadugangang paglakop kan mga wildfires harani sa ciudad kan Bordeaux sa France.
Nag-abot na sa 330,000 katawo na an inebakwar huli sa wildfires sa France asin Spain.
Nagpuon an kasulo sa Europa kan nakalihis na semana, partikularmente sa France asin Spain kun sain niribong persona an inebakwar.
Segun sa report, an France an pinakamatinding naapektuhan na nag-abot sa 42,000 ektarya an nasulo, na pigkonsiderar na pinakadakulang wildfire puon kan World War Two.
Sinabi ni Captain Nicolas Braz, saro sa mga lider kan firefighting operatiom, na an kasulo an nagkrear nin sadiri kaining paros asin thunderstorms kun sain pig-apod ining “erratic asin unmanageable”.
Sa Gironde region, kabale sa mga nagsasagibo nin pagresponde an 2,500 bumbero, kabale an sarong Swiss team, 1,500 military personnel asin labi sa 1,200 pulis asin gendarmes.
