Naka-alerto na man an Office of Civil Defense (OCD) para sa ikalimang State of the Nation Address (SONA) ni Presidente Ferdinand R. Marcos Jr. sa Lunes, July 27.
Segun ki OCD Spokesperson Junie Castillo, enot nang in-activate ang Blue Alert Status kasabay kan paglaog kan bagyong Kiyapo asin magpapadagios na ini hanggang sa pagtatapos kan Ulat sa Bayan kan Presidente.
Sa iraron kan nasabing status, 24/7 ang operasyon kan operations center kan OCD. Pigbabantayan digdi an ground situation, asin mahigot na nakikipagkoordinar sa mga ahensiyang may kaniya-kaniyang mandato.
Bilang head agency sa National Disaster Risk Reduction and Management Council (NDRRMC), pig-aadal asin sinusuri kan OCD ang realtime report kan kada member agencies, lalo na sa security sector.
An mga nasabing report an ipinapasa kan kada member agency kung sain nakasaad ang mga obserbasyon asin ‘action taken’ o mga piggigibong lakdang kan government agencies na nakadeploy sa ground.
Segun pa ki Castillo, target kan konseho na mamantenir an salbado asin mapayapang pagdaraos kan ikalimang Ulat sa Bayan kan Presidente.
