LEGAZPI CITY- Nagpapadagos an clearing operations kan Legazpi City Public Safety Office sa mga mayor na tinampo sa ciudad kan Legazpi.
Huli digdi, padagos an pag wheel clamp kan ahensya sa mga behikulo na iligal na nagpa-park asin nagkakawsa nin obstruction sa mga tinampo.
Alagad segun ki Legazpi City Public Safety Office Head Octavio Rivero sa intrevista kan Bombo Radyo Legazpi na maski pigigibo sana kan saindang mga personahe an saindang mandato, dae maibitaran na makaresibe nin mga makukulog na tataramon asin akusasyon.
Huli digdi, inagyat kan opisyal an mga nagbabato nin akusasyon sa sainda na magpaluwas nin ebidensya na nagdi-dilensya o pinagkakakitaan ninda an mga drivers.
Tinawan duon kaini na warang ibang katuyuhan an saindang mga ahensya kundi an pagmamantenir na matrangkilo asin salbado kan mga tinampo.
