LEGAZPI CITY—Kasabay kan isasagibong State of the Nation Address ni Presidente Bongbong Marcos sa Lunes, masagibo an grupo nin mga paratukdo kaiba an ibang sektor anin protesta sa Commonwealth Avenue, Quezon City.
Segun ki Alliance of concerned teachers, president Ruby Ana Bernardo, sa intrevista kan Bombo Radyo Legazpi, kamawotan kan grupo ninda na madangog sa ikalimang State of the Nation Address ni Presidente Bongbong Marcos an mapadapit sa saindang sweldo.
Ini makalihis an pirang taon an nagtitinir na barya-barya an saindang salary increase na itinao sa irarom kan saiyang administrasyon.
Ikaduwa, an promesang magkaigwa nin laptop an mga paratukdo asin an mapadapit sa expanded career progression kun sain kadaklan sa mga nagpa-promote an dai nagkaigwa nin item o dae nakua an posisyon.
Siring man an dugang na pondo para sa kadugangang mga paratukdo, education support personnel, learning materials asin mga classrooms.
Pighayag ni Bernardo na kun nakalihis na mga SONA an puro promesa alagad ngunyan an panahon para sa paniningil sa presidente.
