Tinawan duon ni House Prosecutor Chel Diokno sa opening oral argument na bako an two-thirds requirement an pigku-kwestyon kan prosekusyon, kundi an base o denominator kun sain kukwentahon an two-thirds.
Segun saiya na an pangenot na hapot kan impeachment court an “Two-thirds of how many?”
Binanggit man ni Diokno na an pananaw kan apat na amici curiae na suboot nagtataram na an 16 votes an dae nagbabagong numero.
Ipigsuhestyon niya na dapat hilingon an orolay kan lente kan accountability, huli ta an mga senador an nagsisirbing impeachment judges na kaipuhan nakadangog asin nakapagsuri kan mga ebidensya antes bumoto.
Partikular niyang sinabi na magiging problema kun isasabay sa denominator an mga senador na dae nakapanumpa bilang impeachment judges, dae naka atendir sa paglilitis, o legal na dae nagampanan an pagiging judges.
Mientras tanto, tinawan duon kan batikang abogado na dae nagbabago an constitutional requirement na two-thirds.
An pighahagad sana suboot kan prosecution iyo an matukoy kan impeachment court kun siisay an dapat na isabay sa numero kan mga miyembro na pagbabasehan kan nasabing threshold.
