Buminoto an Senate impeachment court ngani na babaan an threshold na kinakaipuhan ngani na ma-convict si Vice President Sara Duterte sa saiyang impeachment trial.
Ini an kasunod kan presentasyon kan mga argumento kan House prosecution panel asin defense team kan bise presidente.
Nasa 13 mga senator-judge an nagbotong pabor sa mosyon ni Sen. Erwin Tulfo na pagbotohan an pagbabago sa denominator para sa 2/3-vote treshold na magseserbing basehan sa conviction o acquital ni Vice President Duterte.
Kaibanan sa mga dae bibilangon, basado sa ruling ni Trial Presiding Officer Sen. Chiz Escudero, an mga senador na naka-detain, mga senador na dae matukoy an lokasyon, asin mga senador na warang kakayanan na makipartisipar sa impeachment trial huli sa medikal na kondisyon.
Mientras tanto, dae man nagpartisipar sa botohan dapit sa pagbaba kan threshold sinda Senator-judge Alan Peter Cayetano, Pia Cayetano, Imee Marcos, Bong Go, Robin Padilla asin Senator Camille Villar.
