Nangapudan si Atty. Sheila Sison, lead counsel kan depensa ni Vice President Sara Duterte, sa impeachment court na siertuhon an fairness asin impartiality sa pagpapadagos kan paglilitis.
Sa saiyang manifestation, binanggit ni Sison an naging ruling kan Supreme Court sa Duterte vs. House Representatives na nagsasabing alagad nangyayari an impeachment sa sarong political environment, nagtetenir ining sarong constitutional asin legal process na dapat sumunod sa mga ipigtalaan na proseso sa irarom kan Saligang Batas.
Pigduon ni Sison na dae nag-iibitar sa accountability si Vice President Duterte asin dae man ini nahahadit sa magiging resulta kan impeachment trial.
Sa ibong kaini, sinabi kan agobado na pighahagad sana kan saindang kampo an mga pangenot na garantiya sa sarong patas asin warang kinikilingang paglilitis.
Dagdag pa ni Sison na dapat man na mamantenir an diretsos kan respondents na maubos an gabos na abilableng legal remedies sa irarom kan ley asin Konstitusyon.
Sa saiyang pagtatapos, pigduon ni Sison na dapat na mangibabaw an sarong paglilitis na warang pigkikilingan asin kinatatakutan asin igwang paninindugan para sa sarong makatarungan na paglilitis asin pagdedesisyon.
