LEGAZPI CITY-Naglandfall na an bagyong Kiyapo bandang alas 4:00 nin hapon ngonian na aldaw sa katubigang parte kan Camiguin Island, Calayan, Cagayan.
Segun kay Weather Specialist Melvin Almujela, sa intrevista kan Bombo Radyo Legazpi na naghihiro an bagyo pasiring sa West Northwestward sa rikas na 30 km/h.
Dara kaini an kusog kan paros na nag-aabot sa 85 km/h harani sa sentro asin pagbuso na nag-aabot sa 105 km/h.
Sa aldaw nin Sabado, Hulyo 25, 2026, pigkakarkulong nasa 290 km na an bagyo sa northwestward kan Basco Batanes o nasa luwas na kan Philippine Area of Responsibility (PAR).
Nakabandera man an Signal No. 2 sa Batanes, northern portion kan Cagayan (Santa Ana, Gonzaga, Santa Teresita, Camalaniugan, Aparri, Ballesteros, Abulug, Pamplona, Sanchez-Mira, Claveria, Santa Praxedes, Buguey, Allacapan, Lal-Lo, Gattaran, Baggao, Lasam) kabale an Babuyan Islands, northern portion kan Apayao (Luna, Santa Marcela, Calanasan, Pudtol, Flora), asin an northern portion kan Ilocos Norte (Pagudpud, Dumalneg, Adams, Bangui, Burgos, Vintar).
Nakataas man an Signal No. 1 man sa natatadang parte kan Cagayan, Isabela, Quirino, Nueva Vizcaya, natatadang parte kan Apayao, Abra, Kalinga, Mountain Province, Ifugao, Benguet, natatadang parte kan Ilocos Norte, Ilocos Sur, and La Union, asin an northern asin central portions kan Aurora (Dilasag, Casiguran, Dinalungan, Dipaculao).
Pinaglalaoman man na mag-exit an bagyo ngonian na pagka-banggi o saaga nin maagahon.
