LEGAZPI CITY-Nagpaluwas nin general flood advisories an State weather bureau sa nagkapirang rehiyon sa National Capital Region (NCR) asin Cordillera Administrative Region (CAR).
Huli ini sa padagos na epekto kan Habagat o Southwest Monsoon asin kan bagyong Kiyapo na nasa luwas na kan Philippine Area of Responsibility (PAR).
Pasado alas 6:00 nin pagkaaga ngonian na aldaw, pinag-iingat sa posibleng pagbabaha dara kan mga pag-uuran an mga lugar kabale an Region 1 sa Ilocos, Region 2 sa Cagayan Valley, Region 3 sa Central Luzon, Region 4-A CALABARZON asin Region 4-B MIMAROPA, siring man sa Region 6 sa Western Visayas.
Mientras tanto, basado sa datos kan Office of the Civil Defense, labi sa 30 lugar sa nacion an nakaeksperyensya nin pagbabaha kun sain apektado an labi sa 27,000 na mga pamilya.
