Nakataas na sa Orange Rainfall Warning an Metro Manila asin nagkapirang parte kan Luzon huli sa padagos na pagbulos kan uran ngunyan na aga, aldaw nin Lunes, Agosto 10 huli sa Southwest Monsoon o Habagat.
Segun sa state weather bureau, nasa irarom kan orange warning an Zambales, Bataan, Metro Manila, Pampanga, Rizal, Bulacan, Cavite, Batangas asin Tarlac.
Sa irarom kan orange rainfall warning, pinaglalaoman na makaka eksperyensya an mga apektadong lugar nin 100 hanggang 200 millimeters na uran, na posibleng magresulta sa pagbaha asin landslide.
Nasa yellow warning an nagkapirang parte kan Tarlac (Concepcion, Anao, Tarlac City, Gerona, La Paz, Paniqui, Pura, Ramos, San Manuel, Victoria, Moncada), Cavite (Amadeo, Mendez, Silang, Carmona, Gen. Mariano Alvarez, Tagaytay), Batangas (Agoncillo, Bauan, Calaca, Laurel, Lemery, Mabini, San Luis, San Nicolas, Santa Teresita, Taal, Tingloy, Talisay, Tanauan, Santo Tomas, Malvar, Balete, Mataasnakahoy, Lipa, Alitagtag, Cuenca, San Jose, San Pascual), Laguna (San Pedro, Binan, Santa Maria, Mabitac, Pakil, Pangil, Famy, Siniloan, Santa Rosa, Cabuyao, Calamba, Los Banos, Paete, Kalayaan, Lumban), siringman an Nueva Ecija (San Antonio, General Tinio, Gapan, San Isidro, Cabiao, Cuyapo, Nampicuan, Guimba, Penaranda, San Leonardo, Jaen, Zaragoza, Licab, Quezon, Santa Rosa, Aliaga) asin Quezon (General Nakar, Infanta, Real).
Sa irarom kan yellow warning, posibleng maka eksperyensya nin light to moderate rain na igwang paminsan-minsang makusog na uran, na posibleng magdara nin pagbaha asin landslide sa mga lugar na maaapektaran kaini.
